చేయి చేయి కలిపి - యేసు మనసును కలిగి
మనము మనసులు కలిసి - ఏకమనసును కలిగి
కలసి మెలసి పనిచేదాం - ఏకముగా ప్రార్ధిదాం
కలిమిలోన - లేమిలోన - కలకాలం కలిసుందాం
1. అహం, కులం వదిలేద్దాం - అంతరాలు పూడ్చేదాం
ఒకరి నొకరు యోగ్యులుగా - అందరినీ ఎంచుదాం
2. విలువైన రక్తముతో - కొనబడిన సహవాసం
విభేదాలు విడనాడి - విలువలను నాటుదాం
3. దారుణమగు హింసలలో - ధైర్యంగా నిలబడదాం
హింసకులను క్షమించి - రక్షణకై ప్రార్ధిదాం