సంతోషమే సంతోషమే నాకు కావాలి
ఆనందమే ఆనందమే నేను పొందాలి
హృదిలోన సంతోషం కలగాలని
మదిలోన ఆనందం నిలవాలనే
ఆశ నెరవేరునా? నా కలలు ఫలియించునా?
1. మిత్రులందరి నడిగాను సంతోషం నాకు కావాలని
చిత్రములలో వెదికాను ఆనందం నేను పొందాలని
ఎచట వెదకిన లేదాయే కనుల నిద్దుర కరువాయే
2. బంధువులనే చేరాను సంతోషం నాకు రావాలని
అన్నదమ్ముల కోరాను ఆనందం నాకు చూపాలని
ఎవరినడిగినా చూపరే ఎంత కోరినా చెప్పరే
3. ఇంటర్నెట్‌కూ వెళ్తాను ఎంతో ఎంజాయ్‌ చేయాలని
ఛాటింగూ ట్రై చేశాను ఎంతో ఛీటింగ్‌ అయ్యానులే
ఎన్ని చూసినా కనరాదే ఏమి చేసినా దొరకదే
4. మంచి మాటలు విన్నాను మనసు మార్చు కొన్నానులే
యేసు క్రీస్తుని చేరాను మదిలో నెమ్మది దొరికేనులే
చెప్పలేని ఆనందం హృదయమంతా సంతోషం
సంతోషమే సంతోషమే నాకు దొరికేను
ఆనందమే ఆనందమే నేను పొందాను
హృదిలోన సంతోషం కలగాలని
మదిలోన ఆనందం నిలవాలనే
ఆశనెరవేరెను నా కలలు ఫలియించెను