ప్రభు క్రీస్తే నిజ దైవము (204)
ప్రభు క్రీస్తే నిజ దైవము - విభుడేసు సజీవుడు
అభయంబునిచ్చు నజరేయుడు విభవాత్మతేజోమయుడు
1.అదృశ్య దైవ స్వరూపియే ఆది స్వయం సంభవుడు
ఆద్యంత రహితం అసమాన చరితం - ఆ దివ్యకాంతిని గనుమా
2.సర్వ సృష్టికి మూలం శ్రీయేసుడే - సర్వజీవుల పోషకుడు
సర్వమానవ పాప పరిహారము - ఉర్విన్ ప్రభుకాంతిని గనుమా
3.కలువరి సిలువలో నింగిలో వ్రేలాడెను - విలువైన రుధిరము చిందించే
పలుపాపముల నెల్ల తొలగించెను - ఇలవెలసిన కాంతిని గనుమా
4.మరణాంధకారములను తొలగించెను - పరలోక ద్వారము తెరిచె
చిరజీవాక్షయతల్ వెలుగొందెను - ధర పర గురు కాంతిని గనుమా