ఆ జాలి ప్రేమను-గమనింపకుందువా
ఆ దివ్య ప్రేమను - గ్రహియింపకుందువా
ఓ సోదరా ఓ సోదరీ - ఆ ప్రేమమూర్తి యేసు - దరిచేరవా!
1. నీ పాప జీవితాన - ఆ ప్రేమమూర్తియే
ఆ సిల్వపైన నీకై - మరణబాధ నొందెను
నీ శిక్ష బాపగా - రక్షణను చూపగా
నీ హృదయ ద్వార మందు - వేచియుండెగా
నీ రక్షకుండు యేసు - నిన్ను పిలుచుచుండెను
ఆ ప్రేమమూర్తి పలుకు - నాలకింపజాలవా
2. ఎంత పాపినైనగాని - యేసు చేర రమ్మనే
యేసు చెంత చేరువాని - త్రోసివేయజాలడు
నీ పాప జీవితం - ప్రభుయేసు మార్చగా
నీ చెంత చేరి నిన్ను - పిలుచు చుండెగా
విలువైన రక్తధార - ప్రేమతోడ గార్చెను
ఆ ప్రేమమూర్తి పిలుపు - నాలకింపజాలవా