దేవుడొకడున్నాడని – ఆలోచించవా నిన్ను కూడ చేసినోణ్ణి తెలిసికోలేవా
అడవి పూల నడిగి చూడు - పడిలేచే కడలి చూడు
విశ్వమంత ఏలే వాడు ఉన్నాడని తెలియదా
ఓ అన్నా మేలుకోవా ఓ అక్కా గమనించవా
1. చక్కనైన చుక్కలెన్నో - చెప్పకుండ చెబుతున్నా
రేయి పగలు మానకుండ నీతో మొత్తుకున్నా
సూరీడు కాంతి వలె సత్యమెంతో ప్రాకినా
|| విశ్వమంత ||
2. ఆదిలోనే పలికాడు - అంధకారం బాపాడు
ఆ మాటలన్నిటిని పొందు పరచి యిచ్చాడు
నీ పాపం చూపించే మాటలెన్నో చెప్పాడు
|| విశ్వమంత ||
3. నీలోన మెదిలేటి అంతరాత్మ నడిగి చూడు
అనుకున్న దొక్కటైతే చేసేది మరియొకటి
మనశ్శాంతి పోయినా మనుగడ ఓడినా
|| విశ్వమంత ||
4. పాపలోకానికే పరమాత్ముడొచ్చాడు
పాపానికే తాను బలిగా మారాడు
పరలోక తలుపు తీసి స్వాగతం పలికాడు
|| విశ్వమంత ||